ކަރަންޓީން ފެސިލިޓީ އަށް ގެންދިއުމަށްޓަކައި ޕާރުސަލު ބަލައިގަތުން

 

  1. ޕާރުސަލު ބަލައިގަތުން

ޕާރުސަލު ބަލައިގަނެވޭނީ ތިރީގައި ބަޔާންކުރާ ދުވަސްތަކާއި ގަޑިތަކުގައެވެ.

  • ދުވަސް: ހޮނިހިރު، ހޯމަ، އަދި ބުދަ
  • ގަަޑިތައް: ހެނދުނު 09:00 – 11:00 އަށް އަދި މެންދުރުފަހު 02:00 – 04:00 އަށް
  • ބަލައިގަންނަ ތަން: ދަރުބާރުގެ (އަމީނީމަގު މެއިން އެންޓްރަންސް އިން ވަދެ ރަންނަބަޑޭރި މާލަމުގެ ބޭރުންވަންނަ ދޮރުމަތީގައި ގާއިމުކުރާ ޑެސްކުން)
  1. ޕާރުސަލު ގެންނަ ފަރާތްތަކުން ޢަމަލުކުރަންޖެހޭ ގޮތް
    • ޕާރުސަލު ގެންނަންވާނީ ބަންދު ނުކޮށް، ހަވާލުކުރާ ޑެސްކުން ޗެކްކުރުމަށްފަހު ބަންދުކުރާ ގޮތަށެވެ.
    • ޕާރުސަލު ބަލައިގަނެވޭނީ ހަމައެކަނި ފޮށި ނުވަތަ ފޮށިގަނޑުގައެވެ.
    • ޕާރުސަލު ބަލައިގަނެވޭނީ ޕާރުސަލު ހަވާލުކުރާ ޑެސްކުން ޗެކްކުރުމަށްފަހު ގައެވެ.
    • ޕާރުސަލުއެއްގެ ތެރޭގައި ތިރީގައި ބަޔާކުރާ އެއްވެސް އެއްޗެއް ހިމެނިގެން ނުވާނެއެވެ.
  • ގާނޫން މަނާކުރާ އެއްވެސް އެއްޗެއް.
  • ފްލައިޓުގައި އުފުލުން މަނާ ކުރާ އެއްވެސް އެއްޗެއް (މީގެ ތެރޭގައި އެއްވެސް ބާވަތެއްގެ ކެމިކަލް، އަދި ގޮވާ ޒާތުގެ އެއްވެސް އެއްޗެއް ހުރެގެން ނުވާނެއެވެ.)
  • މަދުވެގެން 2 ދުވަސްތެރޭގައި ކުނިވާނެ ޒާތުގެ އެއްވެސް ކާއެއްޗެއް.
    • އެއްވެސް ބާވަތެއްގެ ދިޔާ އެއްޗެއް ޕާރުސަލު ގައި ފޮނުވާނަމަ، އެއެއްޗެއް ހުންނަންވާނީ، ލީކް ނުވާނެ ގޮތަކަށް ރަނގަޅަށް ސީލްކުރެވިފައެވެ.
    • ޕާރުސަލު ގެންނަ ފަރާތުން ޕާރުސަލު ހަވާލުކުރުމަށް އަންނައިރު ޕާރުސަލު ލިބެންޖެހޭ ފަރާތުގެ ތިރީގައި މިވާ މައުލޫމާތު އެނގެންވާނެއެވެ. އަދި މިމައުލޫމާތު ހުނަންވާނީ ފޮނުވާ ޕާރުސަލުގައި ލިޔެވިފައެވެ.
  • ލިބެންވާ ފަރާތުގެ ފުރިހަމަނަން
  • ކަރަންޓީން ކުރެވިފައިވާ ރަށް
  • ކަރަންޓީން ކުރެވިފައިވާ ރަށުގެ ރޫމް ނަންބަރު
  • ލިބެންވާ ފަރާތުގެ ފޯން ނަންބަރު
    • ޕާރުސަލު ހަވާލުކުރުމަށް އަންނަ ފަރާތުން ޕާރުސަލު ހަވާކުރުމަށް އަންނައިރު ހަވާލުވާ ޑެސްކަށް އައި.ޑީ ކާޑުގެ އަސްލު ހުށަހަޅަންވާނެއެވެ.